نعم من غابت عيونك وانا اصفق على الكفين = واتوه بخطوتي ضايع ولا ادري وين عنواني
حبيبي شفت هالدنيا حلاها لاجتمع قلبين = تخلي قلوبنا اجمل من اللي عاش وحداني
شوف انكسار الورد .. نبَّـت على يدي = دفى جمود البرد ... و اشعلني بجوفه
ما قلت لك يا قلب .. تحلم على قدي = حلمك خذلني و حط خوفي على خوفه
مثل النسيم العذب تجرح سكوني = تسرق بقايا ضحكتي وسط الأصحاب
أحاكي أصحابي وهم يسمعوني = وقلبي معاك وكنهم عندي أغراب
وعنك يحاول بعضهم يسألوني = متى ~ وكيف ~ و وين~ أصبحتوا أحباب ؟
الله اقوى ليه خانتنا الظروف = ماهقيت الليل مايوفي الوعد
ماتت الفرحه وانا بعيني اشوف = حارت اقدامي وقلبي في جلد
هي وانا في ظلمة الليل وقوف = القمر شاهد ولاغيره احد
وقتنا قاسي وفينا مايروف = تسأله عيني وعينه ماترد
لهفته لي مثل قلبي له شغوف = له عنيت اوفيت انا له بالوعد
سلهمت عيني بهارجوى وخوف = ليلنا جانا بعكس الي نود
حبيب عشت في دنياه عابر = حسب قوله وياشعري فقله
انا ضحيت له وارجي وصابر = واذا عيا اقول...الله يحله
حسمت المسأله و الحين ابصدر لك قراراتي = و هي حاصل تشاورنا .. بعد تكرار غلطاتـك
انا و اجروحي و قلبي .. تعاهدنا على الآتي : = نحب حتى الغلط منك .. لأنــَّه جزء من ذاتك
يتابعني و انا أضحك على نفسي و اسليهم = يقول الله يالدنيا تضحكهم و انا أتألم
يظن إن الزمن بعده شغلني للأسف فيهم = و انا والله لو حزني عرف يتكلم // اتكلم !!
ليه يوم احتجت لك خيبت ظني ؟ = ليه صاير قاسي و ضيـِّق طباع ؟!
كل ما آعاتب خفوقك صد عني = كن ما صــدق لقى فرصه و .. باع ..!
عهدٍ على ذكرى الألم .. و المهـانه = لاخذ بثار ادموعنا ... " يـا خفـوقـي "
جـرح ٍ بجرحْ .. و كل خيانه بخيانه ....! = حقي .. و جرحي لهْ من ابسط حقوقي !
ياخذك .. يا دمعــةٍ طاحت على خد المواجه = ما عرفتي تصبرين الين ما عينه تروح ؟
و الله اني ما قصدت بدمعــتي يا قلب حاجه = بس فاجأني بغلاهْ .. و صممت عيني تبوح !!
للوعد جيت من لـون الخريف = وللوعد جيت من طعم الجفاف
ومر في ساعتي وقت ونزيف = ومر في خاطري حزن وزفاف
آه وينـــك انا مثــلك كفيف = وليه قمراك تطلع ما تشاف
في غيابك .. ضاقت بعيني الأماكن ..! = كل دنياي .. انطفت من نفــخ زفرة
واستوى جو المدن .. مظلــم وساكن = واشهقت وسط العيون .. الفين عَبرة ..!